Blog Or Website Me Kya Difference Hai

Blog Or Website Which Is Better

blog or websiteBlogging ki starting se hi ye sawaal mere man me rehta thaa ki blog or website me kya difference hai ? Woh kya basis hain jis base par blog or website alag alag ho jaate hain. Or Mujhe apne liye website banana chahiye ya blog banana behtar rahega.

Sabhi Apple Fruits hote hain, lekin sabhi Fruits Apple nahi hote,
Waise hi sabhi Blog website hote hain, lekin sabhi Website blog nahi hoti.

Ye confused karne wala question hai ki website or blog me difference kya hai. Is confusion ko door karne ke liye pehle hame dono ko alag alag samajhna padhega ki Website kya hai ? Or Blog kya hai ?

What Is A Blog? Blog Kya Hai?

blog

Aapne dekha hoga ki kai logo ko daily diary likhne ki aadat hoti hai jisme woh apni daily memories ko likhte hain. Same waise hi agar ham blog ko dekhe toh ye wohi diary hai jisme ham daily post likhkar apna knowledge share karte hain. Fark ye hota hai ki dairy jo ham likhte hain woh likhne wala hi padhta hai ya fir jiske pass dairy ho woh padhta hai, lekin blog online hota hai jisse iski pahunch every online user tak hoti hai.

Ek blog ko bahut hi aasani se start kiya jaa sakta hai kyonki iske liye WordPress or Blogger jaisi free service available hain jinpar ham apna free blog 10 minute me start kar sakte hain.

 

Ek achha blog usko kehte hain jispar aapko daily update or knowledge milta hai. Quality content milta hai. Jispar visitors baar baar jaana pasand karte hain.

Blog Ki Identity Kya Hai ?

Upar maine aapko blog ke baare me bataya ki ek blog hota kya hai, but ham ek blog ki pehchan kaise karenge ki ye ek blog hai website nahi hai. Iske liye me aapko blog ko kuchh identity bata raha hun.

  1. Blog me regularly post listing hoti hai.
  2. Isme new page or post add hote jaate hain.
  3. Blog post category, tags or date ke according archived me collect hoti hain.
  4. Blog me commenting system hota hai jisse visitors or readers apne thoughts share kar sakte hain.
  5. Blog feed service ke jariye post direct aapke mail account tak pahunch jaati hai.

Blog Example

Blog ki identity maine aapko bata di hain ab me aapko blog ke kuchh example bhi de deta hun jisse aapko samajhne me or aasani ho jayegi.

SupportmeIndia
Hindimehelp
Techcrunch
Shoutmeloud
Hindilifesolution

Ye sabhi blog ke example hain jinpar aapko knowledge bhi milega or daily new update post bhi milegi.

What Is A Website? Website Kya Hai?

website

Blog ko hamne samajh liya hai ki ek blog kya hota hai or uspar kya material hota or uski pehchaan kya hai. Ab ham website ko compare karenge ki website kya hoti hai?

Jaisa ki maine aapko bataya ki blog regularly update hote hain lekin website me aisa nahi hota hai. Aapne jis bhi kaam ke liye website banayi ho chahe woh apna business promote karne ke liye, ya fir or kisi campaigning ke liye ya aapne jis bhi purpose ke liye site banayi ho, aapko kewal starting me usko update karna hota hai. Iske baad aapko sirf uska promotion karna hota hai jisse aap apni website ko target visitors tak pahuncha sake.

Website mostly kisi service ya products ka promotion karne ke liye hi banayi jaati hai jisme main homepage hota hai jispar product ya service ki detail hoti hai. Or usi se related contact page hota hai. Jis tarha se blog par post hoti hai waise hi website par pages hote hain. Website ko banane ke liye ham Dreamweaver ka use kar sakte hain.

Website Ki Identity Kya Hai ?

  1. Website me main homepage hota hai jisse several internal pages link hote hain.
  2. Customers ke feedback or review hote hain.
  3. Contact page hota hai jisse site owner se contact kiya jaa sakta hai.
  4. Service ya product ke baare me detail hoti hai jise customer browse kar.skate hain.
  5. Website ke terms and conditions se related page hota hai.

Website Example

Facebook
Flipkart
Freelancer
Odesk
2captcha

Ye sabhi sites ke example hain jisse ham samajh sakte hain ki website ka look kaisa hota hai.

Blog or Website Me Aapko Kya Chahiye?

Blog or website me difference ko hamne samajh liya hai ab hame kya choose karna hai ye is par depend karta hai ki hame kis kaam ke liye site banani hai. Agar ham koi online business start karna chahte hain ya fir koi affiliate marketing start karna chahte hain toh fir hame website banana hogi.

But agar aap apna knowledge share karna chahte hain apna online circle banana chahte hain ya fir adsense se income karna chahte hain toh blog start karna aapke liye best rahega. Last suggestion mera yehi hai or aap isko jarur dhyaan bhi rakhe ki agar aap html coding ka knowledge nahi rakhte hain toh fir web developer ki help lekar start kare.

Waise aapko blogging se related saari information or tool mere blog par mil jayengi jiski help se aap blogging se start karke paise kama sakte hain.

Aapko blog or website me difference se related ye information kaisi lagi jarur bataye. Facebook par like karne ke liye click kare.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Comments

  1. Reply

Leave a Reply

Your email address will not be published. Required fields are marked *