Google Pay App India Me Kaise Use Kare

How To Use Google Pay In India

Digital India Platform ne hamari life me cash transaction or shopping ko kaafi aasan bana diya hai. Kyonki hamare pass many online android apps ho chuke hain jisse hame ghar baithe food order se lekar, flight booking kar sakte hai. Yehi nahi ghar baithe ham kisi ko bhi money transaction bhi kar sakte hain. Isliye aaj me aapko Google Pay app ke baare me information de raha hun.

Ye Google ka payment app hai jise pehle Google Tez ke naam se jaana jaata thaa jise ab change karke Google pay naam diya gaya hai. Online money transaction se lekar shopping or booking tak aap google pay app ke madhyam se kar sakte hain.

 

google pay

Google Pay App Setup Kaise Karte Hain

Waise toh aap Bhim app ya fir Paytm use karte hi honge toh fir Google Pay app use karna aapke liye kaafi aasan hai. Google Pay app ko kaise setup karna hai or kaise use karna hai iski full detail me aapko step by step de raha hun.

1. Google Play store open karke Google pay search kare.

2. Google pay ko install karke open kare.

google pay download

3. Aap jis language me app ko use karna chahte hain woh select kare jaise maine english select kiya hai.

select language

4. Apna mobile number enter kare. Mobile number wohi use kare jo aapke bank account ke saath link hai or wohi number aapke mobile me chalu hona chahiye.

enter mobile number

5. Next step me aapko email account select karke continue par click karna hai.

6. Iske baad mobile number verification ke liye one time password (OTP) ayega jise aapko verify karna hai.

7. Next page par aapko security ke liye pin set karna hai jisme aap chahe toh jis pin se mobile lock kiya hai woh use kar sakte hain ya fir second option me 4 digit ka google pin bana sakte hain.

google pay set pin

India Me Google Pay Kaise Use Kare

Hamne Google Pay ko setup kar liya hai ab hame dekhna hai ki isko use karna hai. Jaise ki isko use karke money transaction kaise kare ya fir kisi se payment recieved karna ho toh kya kare. Google Pay Transaction ko bhi me aapko step by step batata hun.

1. Google pay login karne ke baad add bank account par click kare.

add bank in google pay

2. Aapke saamne bank list show hogi jisme aapko apna bank select karna hai. Jis bank me aapka account hai wohi bank select kare.

3. Bank select karne ke baad aapko woh phone number select karna hai. Yahan is baat ka dhyaan rakhe ki wohi number select kare jo bank account se link ho or wohi number mobile me bhi hona chahiye.

choose google pay sim

4. Google Pay aapke bank account ko verify karega. Verification ke liye bank se registered mobile number par OTP ayega jise aapko enter karke verified karna hai.

5. Verification complete hone ke baad aapko UPI ID mil jayega jise aapko note kar lena hai. Kyonki ye ID aapko transaction me kaam ayega.

create google pay upi id

Bank Account add ho chuka hai or hamari UPI ID bhi ban gayi hai. Ab ham sikhte hain ki Google Pay se paise transfer kaise karte hain or received Kaise karte hain.

Google Pay App Se Transaction Kaise Kare

1. Jaisa ki aap image me dekh rahe hain waise hi aapke dashboard par rupay ka sign nazar aayega jaise hi aap ispar click karenge aapke saamne option open ho jayenge.
Mobile Recharge
Bill Recharge
Bank Transfer
Mobile Number
UPI ID or QR

google pay dashboard

2. Maan lijiye aapko kisi ke bank account me paise transfer karna hai toh aap Bank Transfer par click kare aapke saamne form open ho jayega, jaisa ki aap image me dekh rahe hain.

send paymentIs ko fill karne ke baad aapko amount enter karna hai ki aap kitne paise transfer karna chahte hain uske baad confirm karke pay kar de.

3. Agar aapko kisi se payment received karna hai toh aap usko apni UPI Id send kare jo hamne create ki hai woh us id se paise send karega jisse woh direct aapke link bank account me transfer ho jayenge.

Friends google pay bahut hi achha app hai jisse ham bahut hi aasani se payment kar sakte payment prapt kar sakte hain, iske alawa is par aapko offers bhi milenge jo aapko login karne ke baad dashboard par dikhayi denge.

Aapko ye information kaise lagi jarur bataye or google pay se related koi bhi doubt ya query ho toh aap mujhe jarur bataye or apne friends ko share karna naa bhule.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Leave a Reply

Your email address will not be published. Required fields are marked *