Blog Par Organic Traffic Increase Karne Ke Liye 10 Tarike

How To Get
Organic
Traffic

Aaj me aapse organic traffic increase karne ki best ways ke baare me baat karunga ki kaise ham apne blog ke liye organic visitors prapt kar sakte hain.

Blog ke liye traffic bahut important hai. Jis blog par traffic nahi hai uski koi value nahi hai. Traffic ki wajah se hi ham professional blogging tak pahunch sakte hain or adsense ke liye bhi traffic hi jaruri hai. Isliye income ke najariye se bhi dekha jaaye toh organic traffic bahut jaruri hai.

Blog par many tarike se visitors aate hain jaise Social Media, Organic, Direct, Paid. But sabse jyaada important organic traffic hota hai.

What Is
Organic
Traffic ?

Woh content jo ham blog par publish karte hain or woh hamare liye aaj bhi traffic laa raha hai kal bhi or aane wale kal bhi us post ki wajah se hame traffic milta hai ye organic traffic hai. Or bhi simple agar define kare toh hamari post ki wajah se search engine se milne wale traffic ko organic traffic kehte hain.

Future me agar aap adsense se income karna chahte hain tab yehi organic traffic aapke liye profitable hoga. Kyonki mere opinion se agar kahu toh search engine se aane wala traffic hi ads par jyaada click karta hai. Ab aap samajh gaye hain ki hame ranking ke liye or income ke liye organic traffic divert karne ki bahut jyaada jarurat hai.

 

Isliye aaj me aapko 10 best tarike bata raha hun jisse aap apne blog par organic traffic increase kar sakte hain.

organic traffic

Best 10 Ways
To Increase
Organic Traffic

1. SEO Optimized Post

Organic Traffic prapt karne ke liye sabse best tarika hai ki ham SEO Optimized Post likhe. Seo post woh hoti hai jisme woh keywords ho jo search kiye jaate hain. Jiski query search engine me type ki jaati hai.

Ye bhi bahut jaruri hai ki post unique or original ho. Agar aap apni post ko search engine me top par dekhna chahte hain toh ye bahut jaruri hai ki ham quality par jarur dhyaan dey. Content hi woh basic thing hai jo blog par organic traffic laane me hamari help karta hai.

Agar hamara content achha hai toh fir hame traffic ke liye jyaada mehnat karne ki jarurat nahi padhti hai. Jab koi visitor keywords search karta hai or agar woh keyword aapki post me hai toh definitely visitor blog par aayega.

2. Long Tail Keyword

Maine aapko quality post likhne ke baare me kaha hai. Quality post likhne ke liye long tail keywords jarur search kare or apni post me use kare. Organic traffic laane ke liye long tail keywords bahut important hote hain. Or saath hi search ranking badhane ke liye bhi ye bahut help karte hain. Also read Long tail keyword search karne ke liye best tools

3. Create Link Building

Search engine optimization link building ke bina adhura hai. Kyonki hamari ranking totally un sabhi links par depend karti hai jo hamare blog par aate hain.

Internal links, Outbound links or backlinks ye sabhi links organic traffic prapt karne ke liye bahut jaruri hai. For example agar aap kisi other blog par comments karte hain ya guest post likhte hain toh ye aapke liye quality backlinks hain. High search ranking or traffic ke liye link building best tarika hai. Also Read Post promote karne ke liye 20 best Bookmarking Sites

4. Invite For Guest Blogging

Jaisa ki maine aapko bataya ki guest post karne se aapko quality backlinks milte hain waise hi aap other blogger ko apne blog par post publish karne ke liye invite kare. Is tarike se aapko new readers bhi milenge or other blogger ke saath aapka network build hoga.

Guest post accept karne ke pehle quality or original post ka jarur dhyaan rakhe. Kyonki agar aapne low quality ki post publish ki toh Google ki taraf se organic traffic prapt karne me problem create ho jayegi. Woh isliye ki low quality post ki wajah se Google aapki ranking ko kam kar deta hai.

5. Social Media Campaign

Organic traffic paane ke liye bahut jaruri hai ki search engine ke alawa bhi hame other sources se traffic mile. Iske liye sabse best hai social media campaigning. Social media bahut hi best way hai jisse ham apne blog par high quality organic traffic prapt kar sakte hain.

Google Plus, Facebook, Twitter, Linkdin bahut hi popular platforms hain jisse ham unlimited traffic divert kar sakte hain. Apni post par bhi social share buttons add kare jisse visitors aapki post ko share bhi kar sake.

6. Guest Blogging

Agar aap bina jyaada effort ke high ranking ke saath organic traffic prapt karna chahte hain toh guest blogging start kare. Aapka blog jis topic se related hai, us topic se related high ranking blog search kare. Jo bhi blog guest blogging accept karte hain aap unse contact karke unique post send kar sakte hain.

Aap chahe toh mere blog par guest blogging karne ke liye apni unique post send kar sakte hain.

7. Meta Tag And Description

Jaisa ki me aapko bata chuka hun ki organic traffic prapt karne ke liye search engine me high ranking bahut jaruri hai. Or iske liye three main parts hain meta description, meta tag or post ka url address.

Jis keywords par aap focus karna chahte hain, uska use first paragraph me jarur kare. Url ko small rakhe or every post ka meta description compulsory add kare.

8. Images With Seo

Maine dekha hai ki new blogger images ko jyaada importance nahi dete hain. Search engine optimization karte huey ye badi mistake hoti hai. Isliye meri advice hai ki post me image right seo ke saath jarur use kare.

Iska fayda ye hai ki post ki image Google image me show hone lagti hai jisse aapko organic traffic milta hai. Image ke alt tag me keyword use kare.

9. Backlinks

Ab ek bahut hi important points par baat karte hain. Search Engine me ranking ke liye quality backlinks is very important factors. Quality maine isliye kaha kyonki agar aapne low ranking backlinks banaye toh ye hamare blog ki ranking ko bhi down kar dete hain. Isliye backlinks banane se pehle rank jarur check kare. Also Read High quality backlinks banane ke liye best 10 tips

Quality Backlinks banane se aapki ranking high hogi jisse search engine se jyaada organic traffic milne lagega. Also Read Social Bookmarking Sites se Backlinks Kaise Banaye

10. Avoid Shortcut

Ye sabhi new blogger ki wish hoti hai ki mera blog 1 month me hi best ranking par pahunch jaaye or iske liye woh kisi bhi tarha ka shorcut pakad lete hain. Jaise paid traffic ya fir traffic exchange. Friends ye baat dhyaan rakhe ki blogging me success ke liye kisi tarha ka shortcut nahi hai.

Aap jyaada din google se bach nahi sakte hain. Unwanted ways se aapko traffic toh bahut mil sakta hai lekin thode time ke liye. Isliye right way se traffic prapt kare jisse aapko organic visitors mile. Iska best tarika hai unique post jise padhkar visitor aapke blog par baar baar aaye.

Maine aapko best tarike bataye hain jinse aap organic traffic prapt kar sakte hain. Aapko sabhi tips par ek saath kaam nahi karna hai one by one tips ko follow kare or results ko analysis kare.

I hope ki aapko organic traffic prapt karne ki 10 tips jarur pasand ayegi apne friends ko bhi share jarur kare or koi bhi doubt ho toh jarur comments kare kyonki isse bhi aapko organic visitors milenge.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Comments

  1. Reply

  2. Reply

Leave a Reply

Your email address will not be published. Required fields are marked *