WordPress Blog Ke Liye Free Https Security Kaise Enable Kare

How To
Convert
Http To Https

Google apne algorithm ko time to time change karta hai jisse effect hamare blog par directly padhta hai. New updation ke according Google me woh blog priority par honge jinke url me Https security enable hogi.

Saral lafzon me agar baat kare toh agar ham apne blog par https security enable karte hain toh hamare blog ki search ranking badh jayegi. Or ye fact ham achhi tarha jaante hain ki organic traffic ke liye search engine me high ranking hona bahut jaruri hai.

Isliye maine apni post Blogger blog me https kaise enable kare me bataya thaa ki kaise ham free Blogger Blog par https security add kar sakte hain or aaj is post me WordPress blog ke baare me information share karunga ki kaise ham free me Cloudflare ke jariye apne WordPress blog par bhi https enable kar sakte hain.

Https Security
Enable Karne Se
Kya Fayde Hain

Major benefit toh me aapko bata chuka hun ki isse hamare blog ki ranking badh jaati hai jisse hamara blog search me first page par show hone lagta hai.

Second or bahut hi important fayda ye hai ki isse hamara data or blog secure ho jaata hai, jisse hackers hame nuksaan nahi pahuncha sakte hain.

Third benefit aapko ye milega ki visitor aapki site ko secure maankar visit karenge kyonki address bar me green lock dikhayi dega. Jo ye batata hai ki is site par data share karne se aapko koi nuksaan nahi hoga.

Waise Godaddy or Hostgator par aapko paid SSL certificate bhi mil jayenge but iske liye bahut jyaada paise kharch karna hote hain. Lekin ye post padhne ke baad aap free me CloudFlare se blog par Https Security enable kar sakte hain.

https security

Step By Step Process
For CloudFlare SSL
Certificate And Https

 

Step 1. Create Account
First hame CloudFlare site par jaakar account banana hai or apne blog ko free plan me add karna hai. Agar aapne abhi CloudFlare par signup nahi kiya hai toh pehle ye post padhe or process ko follow karke apni site ko CloudFlare CDN me setup kare.

Step 2. Install SSL Certificate
Hamne apne blog ke liye CDN setup kar liya hai ab hame SSL enable karna hai iske liye CloudFlare account me login kare. Login karne ke baad domain name par click kare.

Aapko left me top par cloudflare ke icon ke neeche bahut se option milenge jisme hame Crypto par click karna hai.

crypto setting

Iske baad aapko Flexible par click karna hai. Hamne SSL Certificate enable karne ke liye request send kar di hai jo 15 minute me complete ho jayegi. Jaise hi process complete ho jayegi Flexible option ke neeche active certificate show hone lagega.

Step 3. Install 2 Plugins
Is step pe hame 2 Plugins install karna hai. Aapko is name mite huey many plugin milenge par aapko wohi install karna hai jo aap image me dekh rahe hain.

1. CloudFlare Flexible SSL

flexible ssl
2. WordPress HTTPS

wordpress https

Ye plugin aapko Dashboard>>Plugin>>Add New par click karke install kare ya fir aap search bhi kar sakte hain. Or chahe toh image par click karke bhi download kar sakte hain.

Step 4. Plugin Setting
Plugin install hone ke baad activate kare. Dashboard me HTTPS ka option milega us par click kare. Isme aapko image anusaar setting karna hai.
1. SSL Host me apna blog name type kare.
2. Force SSL Administration ke box me tick kare.
3. Proxy me YES select kare. And last me Save Changes par click kare.

plugin setting

Step 5. Create Page Rules
Ab hame fir se CloudFlare website par jaana hai. Jaise hamne pehle step 2 me Crypto par click kiya thaa waise hi ab hame us page par Page Rule par click karke Create Page Rules par click karna hai.

create page rule

Yahan par 2 page rules create karenge dono me hame apne blog url ko type karna hai. Dono page md Http:// ke saath type karna hai lekin first page me url me www add nahi karna hai but second page rules me www ke saath url enter karna hai or dono url ke end me asterisk (*) sign use karna hai jaise
http://qureshiinfotech.com/*
http://www.qureshiinfotech.com/*

Page rules setting me always use Https select karna hai. Iske baad Save and Deploy par click karke save kare.

create page rules

Is tarha do page aapko create karna hai, jaise ki aap image me dekh rahe hain.

Dono page rules create hone ke baad aapko screen par kuchh is tarha dikhayi dega.

page setting

Step 6. Change Blog Url

Ab hamara blog https:// ke saath open hoga isliye hame apne url address me https add karna hai iske liye wordpress dashboard par jaakar setting par click karke general setting open kare.
Dashboard>>Setting>>General Setting

Aapke saamne wordpress address or url address show hoga dono me https:// add kare.

https general setting

Iske saath hamne sabhi setting complete kar di hai ab hamare blog par Https Security enable ho gayi hai. Browser me blog open karke dekhe ki https ke green lock ke saath open ho raha hai ya nahi.

By chance agar error show ho rahi hai toh aap SSL Insecure Content Fixer plugin install karke activate kare. Or agar iske baad bhi problem ho toh aap Search And Replace plugin ka use karke sabhi intenal links ko http ko https se replace kar dey.

Or sabse impprtant tips jarur dhyaan rakhe ki apne blog ko fir se Google webmaster tools or sabhi search engine me fir se submit kare. Or google analytics me bhi http hatakar https kar de.

Friends apne blog me https security enable karne ka ye free tarika hai, Paid SSL Certificate ke baare me aapko aane wali post me jarur bataunga isliye blog ko subscribe jarur kare jisse aap post ko direct apne inbox me prapt kar sakte hain. Https enable karne me agar koi problem ho toh jarur bataye.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Leave a Reply

Your email address will not be published. Required fields are marked *