New Year 2018 Technology Ke Liye Kaisa Rahega

Technology That
Will Change Our
Life In 2018

Sabse pehle aap sabhi readers ko new year 2018 bahut bahut mubarak ho. Ye saal sabhi blogger or youtubers ke liye record breaking rahe yehi meri best wishes hai.

New year 2018 shuru ho chuka hai isliye maine socha ki aaj future technology par baat ki jaaye is saal technology me kya progress hone wali hai or iska effect kis par padhega.

Technology waise bhi bahut progress kar rahi hai jisse ham daily rubaru bhi ho rahe hain. Medical field, space technology, robotics, economics, social media or health se related sectors ko ye saal kafi kuchh dene wala hai jiske baare me aap ye post padhenge.

5 Sector Jo
New Year 2018
Me Life Changing Honge

 

1. Bitcoin
At first ham baat kare bitcoin ki kyonki ye ek aisa terms hai jisne economic world me tahalka macha rakha hai. Bitcoin investment ne jo returns diye hain uske aage sabhi investment plans down level par ho gaye hain.

Bicoin price daily new record bana rahi hai December 2017 me iski record price 18000 thousand dollars par touch ho chuki hai jisne aapke investment ko 23 times badha diya hai. American securities and exchange bank president ne bhi maana ki Bitcoin investment sector me badhe changes ka sign hai.

Aaj many investment company bitcoin me deal kar rahi hai ye iski popularity ko or badhane ke liye kafi hai. Lekin critics ka manna hai ki bitcoin ek bulbula hai jo jyaada din nahi tikega. But abhi toh ham iski taraf ummid bhari nazar se dekh sakte hain.

2. Robotics
Ye fields bahut attractive hai kyonki robots hame ek nayi dunia se waqif karate hain jo real hote huey bhi filmy lagti hai. Ek factory jahan human worker ke bajaye robots kaam kar rahe hain, ek hospital jahan surgery ke liye doctors ka intezaar nahi karna padh raha hai kyonki ye kaam bhi robots bakhubi kar rahe hain.

Artificial intelligence field me ham robots ke bina progress nahi kar sakte hain ye baat hame manni padhegi. Lekin dar ye hai ki isse unemployment badhegi but abhi tak to ye dekhne me nahi aaya hai but new year 2018 me government is dar ko door karne ke liye kya kadam uthati hai ye hame dekhna hai. Waise mera najariya yeh hai ki India ko is sector me progress karni chahiye kyonki ham natural disasters me robots ki help se flood, earthquakes jaisi situation me human life bacha sakte hain.

3. Health
Meri yehi wishes hai ki India bhale hi or kisi field me progress naa kare lekin health or medicine sector me kaam jarur hona chahiye. Kyonki isse ham bahut had tak logon tak treatment facility available kar sakte jo abhi tak medicine tak nahi pahunch paate hain.

Shayad aap nahi jante ho lekin aaj bhi kai infections hain jispar antibiotic ka effect nahi padhta hai. Or aise infections se akele America me 20000 log har saal mar jaate hain. Isliye new year 2018 me ispar kaafi research ki jarurat hai. Iske saath hi is saal aap or bhi behtar smart health device use kar paayenge jo aapki heart beat measure karke aapko alert karengi ki aapko kis doctor se consult karne ki jarurat hai. Also Read Family Ke Liye Best Health Insurance Plans

4. Space

Friends new year 2018 me aapka space par jaane ka sapna sach ho sakta hai lekin iske liye aapko one and half crore rupees kharch karna honge. NASA is saal space tourist plan launch kar sakta hai jispar woh kaafi saalon se kaam kar raha hai.

2004 se NASA is project par kaam kar raha hai. But kuchh technical problem or funds ki wajah se ye project delay hota raha hai lekin is saal NASA ka budget badha diya gaya hai jisse space technology hame new world se rubaru karegi. Spaceex bhi is new year 2018 August me manav rahit mission launch kar raha hai.

5. Mobile Technology
Mobile sector me is saal sabse jyaada technology use hone wali hai. Jisme aapko bahut hi affordable price me latest mobile functions milenge.

Xiaomi Redmi Note 5A se lekar Nokia 7 tak launch honge jisme storage or camera megapixel aapko attract karenge. Iske saath aapko online shopping par bhi best deals milengi jo aapko smartphone kharidne par majbur kar dengi.

And last agar blogging ke najariye se new year 2018 ko dekha jaaye toh apne mini goal set kare or achieve karne ke liye mehnat kare. Waise is topic par bahut detailing ki jarurat hai jiske liye me bahut jald post likhne wala hun ki new year me ham kis tarha apne blog ko successful bana sakte hain so keep visiting and dont forget to like us on Facebook page.

And HAPPY NEW YEAR 2018 to all my readers and bloggers.

qureshiinfotech

Hi friends welcome to my blog I am very pleased to help other people

so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress

etc. so you contact me any time on fb.com/qureshiinfotech and on twitter.com/qureshiinfotech


Comments

  1. Reply

  2. Reply

Leave a Reply

Your email address will not be published. Required fields are marked *