Google Search First Page Rank Ke Liye Awesome 5 Tips

Getting Your
Website To The
Top Of Google Search

Me post ke starting me hi clear karna chahta hun ki google search me rank karne ke liye search engine optimization ke baare me knowledge hona bahut  jaruri hai. Jiske liye aap mere blog par various post padh sakte hain.

Search engine ko impress karne ki techniques hoti hai jinke through ham apni post ko first page par rank kar sakte hain. For example agar ham search kare ki “WordPress par Blog kaise banaye”. Is query par hajaron sites open ho jayengi lekin sabhi sites first page par nahi ho sakti hain. Isliye hame apne blog ko first page ke liye appropriate banana padhta hai.

 

google search

Google First
Page Guaranteed

Iske liye me aaj aapko Google search me first ranking ke liye best tips de raha hun.

1. Domain
Google search me first thing jo very important hai woh hai domain name. New blogger is par dhyaan nahi dete hain. Lekin ye tips hamesha dhyaan rakhe ki blog name yaani ki domain name choose karne me aap jaldbaazi naa kare. Apne niche se related domain add kare.

Maine apne is blog me yehi galti ki hai kyonki qureshiinfotech.com se topic ka pata nahi chalta hai. Isliye badhi koshish ke baad me is domain ko rank karne me success hua. But jab maine apna second domain purchase kiya toh ye galti nahi ki or isliye maine Hindilifesolution domain registered kiya. Is domain se hi mujhe 60% traffic mil jaata hai.

Google search me first thing domain hoti hai isliye iska vishesh khyaal rakhe ki top level domain use kare. Top level domain jaise .com, .in, .edu, or .org are very like by Google.

 

2. Post Content
Mai jab bhi search engine optimization ki baat karta hun toh me yehi kehta hun ki content is the king. Kyonki content padhne ke liye visitor visit karta hai. Isliye quality content or articles google search me first rank karte hain.

New Blogger ko doubt hota hai ki what is quality content ?
Fresh articles with unique topic and idea is quality content.

Google search ke liye blog ki kami nahi hai, but woh aise blog ko search me priority deta hai jo readers ko new or innovative dete hain. Isliye aap week me ek baar post publish karo lekin unique, creative, freshness ka dhyaan rakho.

Post ki length bhi Google search me first position ke liye bahut mayne rakhti hai. Jyaada visitors 400-500 words ki post padhna pasand karte hain, lekiin Google 1500-2000 words ki post like karta hai. Kyonki lengthy post subject ko achhe se describe karti hai.

Aap ye bhi acchi tarha samajh ley ki google ko impress karne ke copy content ya duplicate content paste naa kare isse aapke blog ko koi fayda nahi hoga infact aapki site penalized jarur ho sakti hai or content search engine se removed ho jayega.

3. Loading Time
Blog loading time ki importance bhi aapko yaad rakhna padhegi kyonki loading time ko kam karke hi aap google search engine me first position kar sakte ho. 2G network par aapka blog loading time slow bhi hoga chalega lekin agar 3G network par time 3 ya 4 second se jyaada hua toh ye bhale hi small matter ho lekin iska impact badha hota hai.

Load hone me jyaada time lagne se bounce rate badhta hai jisse search ranking me bahut asar padhta hai. So page loading time is big factor for your rank in first place.

 

4. Internal And External Linking
Post me internal linking se readers ko other related page par jaane me aasani hoti hai. Internal link bounce rate kam karne me bhi help karte hai or Google search ko related post ke baare me bhi pata chalta hai.

External Linking bhi blog ranking ke liye bahut jaruri hai. For example agar aapka blog kisi spam website se link hai toh aapki us spam site ki wajah se aapke blog ki ranking bhi down ho jayegi. But agar aapko kisi trusted or genuine site se external link mil raha hai toh ye aapki search ranking ko badhane me bahut helpful hoga.

Infact agar aapka blog bhi kisi spam site se link hai toh aap apni hosting company se contact karke woh spam link remove kar sakte hain. Also Read Post Me Internal Linking Kyon Jaruri Hai

5. Broken Link
Maximum blog par broken link hote hain, kyonki kai baar hota hai ki hamne post publish ki or baad me some reason se.us post ko delete kar diya isse woh post delete ho jaati hai lekin url search engine se delete nahi hoti hai or jab koi visitor us url par click karta hai toh page open nahi hota hai jise broken links kehte hai.

Broken links se blog search ranking par bahut hi negative impact hota hai. Isliye ye bahut jaruri hai ki Google search console me jaakar broken links ko remove kare.

Friends iske alawa agar aap daily blog ko update karte hain toh iska bahut jaldi impact hota hai or aapka blog google search engine me first position par hota hai. Ek or best tips me aapko dena chahta hun ki blog theme ko mobile friendly banaye, kyonki smartphone par 80% traffic hota hai.

I hope ki aapko meri ye post jarur pasand aayegi or aap ye tips jarur follow karenge. Apne comment jarur share kare. Or Facebook par like jarur kare.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Comments

  1. Reply

Leave a Reply

Your email address will not be published. Required fields are marked *