WordPress Blog Ko Promote Karne Ke Liye 10 Best Tips

How Can I
Promote My
WordPress Blog

Aapne abhi abhi apna wordpress blog start kiya hai or aap chahte hain ki visitors aapke blog par visits kare, iske liye aapko apne blog ko promote karne ki kuchh strategy or tips ke baare me jaanna bahut jaruri hai.

Only ek achha blog banakar search engine me submit kar dene se blog par traffic nahi aata hai iske liye aapko better ways me blog ko promote karna aana chahiye. Aaj ke is competition ke dour me toh ye or bhi jaruri ho jaata hai ki ham apne wordpress blog ki marketing sahi tarike se kare jisse woh search engine ko bhi impress kare or jyaada visitors tak bhi pahunch jaaye.

 

wordpress blog

Blog Par
Jyaada Traffic
Kaise Laaye

Isliye friends aaj me apne is article me aapko apne wordpress blog ko promote karne ke 10 tarike bata raha hun aap jarur ye tips apne blog par apply kare.

1. Install Niche Related Theme

Visitor jab aapke blog par aata hai toh sabse pehle uski nazar blog design par padhti hai isliye blog theme ya template aapke blog topic se related hona chahiye. Visitors ke mind par theme big effect rakhti hai.

Isliye aap sabse pehle theme ya template choose karne ke liye time spent kare or best theme select kare or agar ho sake toh premium theme yaani ki paid theme bhi use kar sakte hain.

2. Write Quality Content

Blog kisi bhi topic se related ho usko popular karne me sabse bada contribution content ka hota hai. Aap blog par kya publish kar rahe hain ye big factor hai. Kyonki visitor jab blog par aata hai toh woh aapke content ke liye aata hai. Ab ye aapke upar hai ki aap uspar kaisa impression daal paate hain.

Remember “first impression is last impression.” Isliye content likhne me quantity par dhyaan nahi dena hai ki me daily ek post publish karunga ya daily 2 post publish karunga, quantity se koi impression nahi padhega agar post me quality nahi hai. Readers aapse ye acceptation rakhte hain ki aap unki problem solve karenge or isliye hi woh aapki post padhte hain.

Isliye apne content ko aisa banaye jo search engine se jyaada visitor ko impress kar sake.

3. Permalink Structure

Search engine se traffic prapt karne me permalink url ka bada yogdaan hota hai. Lekin ham ispar dhyaan nahi dete hain. WordPress permalink ko auto generate kar leta hai or ham publish hit kar dete hain. Ham ye bhi nahi dekhte hain kya permalink me keywords hain ya woh readable hai.

Post publish karne se pehle hame Url structure ko edit jarur karna chahiye or small permalink rakhne ki koshish kare ye search engine me ranking badhane ke liye secret tips hai.

4. Social Media Marketing

Post publish karne ke baad ab hame promotion karna hai or iske liye social media sites se badhkar koi platform nahi hai. Ye suggestion me hamesha apne new blog reader ko deta hun kyonki ham social media marketing karke bahut jyaada traffic divert kar sakte hain.

Social media par post ka promotion kaise karna hai iski detail ke liye aap meri neeche di gayi ye post padh sakte hain….

Specially me aapko kahunga ki wordpress blog ke liye ek facebook page jarur banaye ye promotion ke liye bahut help karta hai. Iske saath hi post ke end me ya starting me social sharing button jarur add kare.

5.  Post SEO

Ye bahut hi jaruri tips hai isliye aap ispar jarur dhyaan dey. Many blogger ki yehi problem hoti hai ki me acchi post likhta hun lekin fir bhi traffic nahi aa raha hai. Me un sabhi ko yehi batana chahta hun ki post ko search engine optimized karna bahut jaruri hai.

Google, Bing or Yahoo search engine me ranking ke liye yaani ki first page par aane ke liye post title, description, permalink or keywords ko search engine ke according optimized karna padhta hai iske baad post first page par show hoti hai. Post ko search engine ke according kaise optimized karte hain jaanne ke liye aap ye post padh sakte hai.

6. Update Regularly

Blogging me ye fact jarur dhyaan rakhe ki woh blog visitors ko jyaada pasand aate hain jo daily update hote hain. Isliye koshish kare ki aap daily blog ko update kar sake.

Or agar aapke paas daily post naa ho toh aap apni old post ko edit kar sakte hain interlink karke update kar sakte hain. WordPress blog me post ko interlink karne ke best tools ke baare me aap is post me padh sakte ho.

7. Write Guest Post

Apne WordPress blog ko promote karne ka ek or badhiya or powerful tarika hai guest post.

High page ranking or high traffic wale blog ke liye guest post likhkar bhi aap apne blog par traffic badha sakte ho. Blog ko promote karne ka ye bahut hi effective tarika hai. But ye dhyaan rakhe ki aap jo bhi guest post likhe wohhigh quality, unique or fresh ho kyonki is post ke through hi hame apne blog par visitor ko divert karna hai.

Post padhte hi visitor impress hona chahiye jisse ki woh aapki or post padhne ke liye encourage ho or blog par visit kare.

8. Youtube Channel

Kisi baat ko agar visually kaha jaaye toh woh jyaada asar karti hai isliye apne blog ke liye aap youtube channel banaye or post se related video upload karke aap blog traffic ko double kar sakte hain. Waise bhi unlimited data ke is time me log youtube video dekhna jyaada hi pasand kar rahe hain.

Intenet marketing ke liye Youtube bahut achha medium hai isliye aap apne blog se related channel jarur banaye thode time me aapka wordpress blog popular ho jayega.

9. Email Marketing

Blog ko promote karne ke liye Email marketing behtar tarika hai iske jariye ham apne blog lovers tak aasani se pahunch sakte hain. Iske liye sirf hame apne blog par subscriber widget box lagana hai jisse visitor hamare blog ko subscribe karke regular hamari post ko padh sake.

Aapki email list jitni long hoti jaayegi utna hi aapka blog popular hota jayega kyonki aapke regular reader increase hote jayenge.

10. Forums And Directories

At last me aapko ek or best tips dena chahta hun or woh ye hai ki apne blog ko forums or blog directories me jarur submit kare. Apne blog ke liye me ye tips starting se hi follow karta hun. WordPress blog ko promote karne ke liye ye bahut hi easy way hai jisse ham apne blog par bahut saara traffic divert kar sakte hain.

Yahan par sawal ye banta hai ki apne blog ko kis forums or directories me submit kiya jaaye jisse ki hamare blog ki ranking bhi badh jaaye or jyaada traffic bhi aane lage iske liye aap forums or blog directories se related neeche di gayi ye post padh sakte hain.

Friends me ummid karta hun ki ye post padhne ke baad aapko apne blog ke traffic ke liye worried hone ki jarurat nahi padhegi. Is post se related koi doubt ho toh jarur bataye me clear karne ki puri koshish karunga.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Comments

  1. By neelesh

    Reply

    • Reply

  2. Reply

Leave a Reply

Your email address will not be published. Required fields are marked *