Mutual Funds Me Invest Kaise Start Kare

How To Start
Investing In
Mutual Funds

Aaj fir me aapse topic se hatkar baat kar raha hun jisme ham mutual funds ki charcha karenge. Saving is a Assets of Future. Aaj aap jo bachayenge woh kal aapke kaam ayega. Isliye aaj saving karna bahut jaruri hai. Or iske liye hame jyaada search karne ki bhi jarurat nahi hai kyonki many option hamare saamne moujud hain.

Bas hame jarurat option ko samjhne ki hai ki konsa option hamare liye achha rahega jisme hamara paise badhta bhi rahe or safe bhi rahe. Waise aajkal mutual funds ka bada charcha hai. But kya ye paise invest karne ke liye safe hai ?

What Is
Mutual Funds ?

Aasan lafzon me agar kaha jaaye toh mutual funds, economic professional dwara managed group hai jo aapse paise leta hai or apni marzi se invest karta hai. For example agar aap kotak fund me imvest karna chahte hain toh apna paise kotak ko handover kar denge ki qoh un paiso ko is tarha invest kare ki aapko nuksaan na ho.

Kyonki ham share market ko nahi jaante hain ki kis company par hame invest karna faydemand rahega or kis stock se hame loss hoga.

Isliye ham ye adhikar mutual funds ko dete hain jo aapke paise ko aisi jagah invest karta hai jo aapke portfolio ke according hota hai jisse hamara market risk kam ho jaata hai. Ye baat hai ki agar ham paiso ko direct invest karne ki bajaye mutual funds ke through invest karte hain toh hame long term profit jarur milta hai.

Friends agar aap investment ke baare me kuchh nahi jaante hain toh mutual funds aapke future goal ke according invest karne ke liye best option hai.

mutual funds

Mutual Funds
Me Invest Kaise
Karte Hain

Mutual funds me invest karna bahut aasan hai. Aap directly bhi invest kar sakte hain or mutual funds advisor ke through bhi invest kar sakte hain. Or online advice ke liye bhi option mojud hain jaise Upwardly, Sharekhan, Scripbox or bhi online advisor aapko mil jayenge, jahan par aap apne budget ke according invest kar sakte hain.

Waise me aapko suggest karunga ki aap financial advisor ke through invest kare jisse woh aapko sabhi risk factor achhe se samjha sake or jarurat padhne par aap or bhi advice ley sakte hain jaise kabhi aapko investment or badhana ho ya fir funds ko sell karna ho.

Mutual Funds Me
Paisa Kaise
Lagaye

Friends ab aap mutual funds ke baare me samajh gaye hain ki ye invest karne ke liye low risk option hai or high returns bhi. Isliye ab ham baat karenge ki funds me paisa kis tarha lagate hain or jarurat padhne par paisa kaise nikalte hain.

Jaisa ki aapne padha ya suna bhi hoga ki Investment ki shuruwat ham 500 Rs. Monthly se kar sakte hain. Or aage aap jitna chahe monthly invest kare ye aap par depend karta hain.

Mutual Funds Me
Paisa Kaise
Badhta Hai

Mutual fund me aap jitna paisa har mahine invest karte hain uske badle aapko unit milti hai. Maan lijiye ki aap 2000 Rs per month Aditya Birla Sun Life Short Term Fund me invest karna chahte hain jiski NAV yaani ki ek unit ki value 65 rs hai tab aap 2000 rs me 30.65 unit purchase kar sakte ho. 2000/65=30.65

Jaise jaise nav badhti jayegi aapke fund ki value badhti jayegi. Jab bhi aap paisa withdrawl karna chahte hain toh apki unit market unit market rate ke hisaab se sell ho jayegi. For example aapke paas 1200 unit ho chuki hain or ab aapko paiso ki jarurat hain toh toh aap inme se jitni unit bhi chahe bech sakte hain. Apke fund ki jo bhi nav hogi uske hisaab se aap sell kar sakte hain.

Final Tips

Me aapko ek baar fir se revise karana chahta hun isliye aap ye point carefully padhe.

1. Jis company ke fund me invest kare uska performance jarur check kare ki usne kitna return diya hai.

2. Direct invest karne ki bajaye advisor ki salah jarur ley.

3. Long term ke liye invest kare.

4. Ek fund ki bajaye 2 ya 3 fund me thoda thoda invest kare.

Me ummid karta hun ki aapko mutual funds ka funda clear ho gaya hoga. Agar koi kami ho toh jarur bataye me clear karne ki koshish karunga.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Leave a Reply

Your email address will not be published. Required fields are marked *