Blogging Start Karne Ke Liye Kitne Paise Or Kahan Invest Kare

How Much
Money Invest
For Blogging

Aaj me blogger ke liye ek bahut hi important topic lekar aaya hun ki
kya hame blog par invest karna chahiye or agar karna chahiye toh kitna
or kaise karna chahiye.

Blogging ab shouq nahi reh gaya hai ye very professional field ban
chuka hai. Or paise kamane ke liye best option bhi. Business ya
proffession koi bhi ho invest jarur mangta hai. Or blogging bhi ek
proffession hai kyonki ham blogging ke jariye limit se bahar jaakar
paise kama sakte hain.

 

 

Kya Hame
Blog Par Invest
Karna chahiye

Sabse pehle friends me aapse ye puchhna chahunga ki aap blogging ko ki
najariye se dekhte hain. As a hobby or as a proffession. Ya aisi hobby
jo baad me profession ban jaaye. Me agar meri baat karu toh maine ek
hobby ke liye blog start kiya thaa kyonki mujhe writing or reading ka
shouq school time se hi hai. Or iske liye maine ye blog as a hobby
start kiya.

Lekin jab maine other blogger ko follow kiya toh me blog se income
karne ke liye inspired hua. Or fir maine apna blog Hostgator se
hosting lekar 30/7/2016 ko WordPress par transfer kar diya. Usse pehle
me Blogger use kar raha thaa.

Mera manna hai ki  “money makes money”. Isliye agar aap bhi blogging
ko professional najariye se dekhte hain or paise kamana chahte hain
toh aapko blog par jarur invest karna chahiye. Kaise or kitna karna
chahiye ye me apko batata hun. Waise ye meri personal advice hai agar
aap chahe toh free blog banakar bhi apne shouq ke saath income bhi kar
sakte hain.

Lekin blog ko ek brand banane ke liye or proffessionly blogging ke
liye blog par invest hona bahut jaruri hai. Kyonki blog par invest
karne se blog design par bahut effect padhta hai or visitor ko jyaada
achhe tarike se attract karta hai.

 

 

Blog Ke Liye Low
Investment Idea

Blog par kisi bhi tarha ka invest karne se pehle ye decide kar lijiye
ki aap kitna invest karna chahte hain. Us budget ko follow karte huey
neeche di gayi things par invest kare.

1. Domain Name

Chahe aap kisi or things par invest kare ya na kare lekin blog ke liye
domain name par jarur invest kare. Kyonki domain name hi apke blog ko
brand banane ki taraf aapka pehla kadam hai. Blog name se hi apke blog
ki or aaki pehchaan hoti hai.

Visitors or search engine dono ke liye self hosted domain name ka hona
bahut jaruri hai. Domain name visitors se apka relation banata hai or
search engine ko batata hai ki aap blog ke liye kitna serious hai.

Budget For Domain Name

Starting me apko bahut hi kam price 100 rs se 200 rs me one year ke
liye domain mil jayega. Uske baad renewal ke liye 700 se 1000 rs per
year kharch karna honge.
Lekin agar aap hosting purchase karte hain toh domain name free mil jayega.

 

 

2. Web Hosting

Blog par full control ke liye or apni pasand ki design ke liye good
web hosting ka hona bahut jaruri hai. Hosting ke liye aapko bilkul bhi
compromise nahi karna chahiye. Ye apke blog ke liye best invest hoga.

Hosting purchase karte time hosting company ka background jarur check
kare. Good hosting ke liye better customer support ka hona bahut
jaruri hai jisse koi bhi web hosting related problem hone par aap
easily contact kar sake. Bahut si hosting companies free offer deti
hain. Lekin aap paid hosting hi use kare kyonki free hosting me server
problem, loading time jaisi bahut si problem hoti hai.

Agar aap long term income ke liye blogging karna chahte hain toh
hosting par jarur invest kare.

Budget For Web Hosting

Starting me hosting ke liye aapko 1200 se 1500 tak one year ke liye
kharch karna honge. Iske baad renewal ke liye aap chahe to 3 month ke
liye 1500 rs tak kharch karna honge.

 

 

3. Theme And Designing

Jis Ghar ka interior achha hota hai woh ghar sabhi ko pasand aata hai
thik waise hi jis blog ka design attractive hota hai uspar traffic bhi
jyaada hota hai. Blog ka unique design or proper placement blog ko
bahut jaldi popular banate hain.

Isliye me apko suggest karunga ki premium theme par bhi jarur kharch
kare. Premium theme apke blog ko customize karne me help karti hai.
Blog par paid theme install karne se ham apni pasand se blog ka look
change kar sakte hain. Free theme par customize karne ki limit hoti
hai jis wajah se ham blog ko proffessional look nahi dey paate hain.

Agar aapke pass or budget hain toh aap premium theme par bhi jarur
invest kare. Ye aapke blog ko or trustble banane me help karegi.
Iske liye aap chahe toh kisi proffessional designer ki service bhi
hire kar sakte hain.

Budget For Theme

Theme ke liye budget fixed nahi hai ye aap par depend karta hai ki aap
apne blog ko kaisa look dena chahte hain yaani ki aapko konsi theme
pasand hai. Sabhi theme ke buy rate different hote hain.

 

Mobile Friendly SEO Free Blogger Templates

 

4. Blog Marketing

Agar aap new blogger hain or blog ko popular karne ke baare me jyaada
nahi jaante hain toh aap social media plateform ke jariye apne blog ki
marketing karke blog traffic ko boost kar sakte hain.

Facebook, Twitter, Reddit, Stumbleupon or Flipboard very popular
social bookmarking sites hain jis par ham kharch karke blog ke liye
campaigning karke blog ko promote kar sakte hain.

Facebook sabse badhiya blog marketing tools hain jis par ham low
budget me apne blog ko promote kar sakte hain. Daily weekly jaisa plan
ham chahe select kar sakte hain.

Budget For Blog Marketing

Marketing ka budget is par social bookmarking sites par depend karta
hai ki ham konsi site use kar rahe hain. Jaise agar ham facebook use
kare toh per month 1500 se 2500 tak ke budget me blog ki marketing kar
sakte hain. Jitna jyaada ham budget decide karenge hamari post utna hi
boost hogi.

Friends ye jitne bhi kharch maine aapko bataye hain woh blog ki
starting ke liye hain. Jab aap blog se achhi income karne lage toh
apne blog ke liye pro writer bhi hire kar sakte ho or SEO ke liye bhi
kharch kar sakte ho. Me apko suggest karunga ki income ka 50% blog par
invest kare.

Maine apko jitne bhi kharch bataye hain woh mere vichar hain. Aap blog
par invest ke baare me kyaa sochte ho mujhe jarur bataye.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Comments

  1. Reply

  2. Reply

Leave a Reply

Your email address will not be published. Required fields are marked *