Youtube Subscriber Badhane Ki 10 Secret Tips

Video ka naam lete hi hamare mind me Youtube ka naam aata hai.
Video blogging se income karne ke liye youtube best plateform
hai apne videos ko ham adsense se monetize karke bahut achhi
income kar sakte hain or hajaron user adsense se lakhon rupay
mahina kama rahe hain. Ab toh TV par bhi adsense channel ke ads
aane lage hain. Lekin iske liye hame youtube subscriber ki jarurat
hoti hai. Kyonki jitne jyaada subscriber honge aapka channel utna
hi famous hoga.

Importance Of
Youtube Subscriber

Agar aap bhi youtube channel par video upload karte hain toh aap bhi
youtube subscribe ki importance jaante hi honge. Jisse apka video
jyaada se jyaada logon tak pahuchta hai.

Social media me success ke liye followers bahut jaruri hote hain.
Youtube bhi blogger ke liye bahut bada traffic driving plateform hai.
Bus jarurat hoti hai to sahi techniques or tips ki jisse hamare videos
maximum user tak pahunch sake. Isliye aaj me apne youtube channel user
ke saath youtube subscriber banane ki tips share kar rah hun.

Every youtuber wish to have more and more subscriber. Agar aap bhi
yehi chahte hain to ye tips apke bahut kaam ayegi. Lekin Tips dene se
pehle me apko ek baat clear kar dun ki me apne blog ke jariye various
tips deta rehta hun lekin un tips ko right way me implement karna
aapka kaam hai. Jaise ki me yahan par aapko subscriber banane ki tips
de raha hun to in tips ko padhne ke baad apna short term target ya
goal set kare. You will get always success.

 

10 Secret Tips
To Make Youtube
Subscriber

#1. Plan Your Video

Kisi bhi work ki starting agar planning se hogi toh woh work jarur
success hota hai. Yehi baat Youtube video upload karne par bhi laagu
hoti hai. Youtube par video upload karne ke liye youtube channel
banane se pehle hame plan karna chahiye ki ham kis topic ko lekar
video upload karenge.

Mixup ya mimic video apke youtube channel ko popular nahi hone denge
jisse youtube subscriber bhi nahi badh payenge. Isliye first ye decide
kare ki aap kon se video par focus karenge or aapka skill love kya
hai. Yaani ki aap kis subject ya topic ko lekar comfortable hain.

Video banane se pehle agar aap video ki written script final kare toh
behtar rahega. Script se aapko video ko organized karne me help
milegi.

  • Ham video me kya text use karna chahte hai.
  • Video me kya shoot karna hai.
  • Kis audience ko target karna hai
  • Language kon si use karni hai.

Ye sab video ke pehle final kar ley jisse aap ek impressive video bana
sakte hain.

#2. Video Frequency

Youtube subscriber banane ke liye ye bahut jaruri factor hai ki aap
week me kitni baar video upload karte hain. Koi agar aapke channel ko
subscribe karega to wo yehi chahega ki aapke or video dekh sake isliye
hame apne youtube video ko upload karne ki frequency badhani padhegi.

Youtube video subscriber aisey channel ko like nahi karte hain jo
regular update nahi hote hain or aaj technology ki duniya me toh ye
bahut jaruri hai ki ham weekly apne channel par new, informative or
entertaining video upload kare.

Video upload karne ke liye pure month ka scheduled bhi bana sakte hain
jiske anusar aap video upload kar sakte hain.

 

 

#3. Channel Customizing

Agar aap chahte hain ki viewer apke channel par trust karke subscribe
kare, iske liye aap youtube ke customization option se fayda utha
sakte hain. Apne youtube videos ko ek brand ki tarah banane ki koshish
kare.

Agar aap already professional blogging karte hain toh apne blog ke
jariye apne youtube video ki branding aasani se kar sakte ho or
youtube subscriber bana sakte ho. Kyonki blog ke jariye ham sabhi
social media plateform ko cover kar sakte hain.

Video ki branding ke liye ham Youtube ki paid service bhi apne budget
ke anusar ley sakte hain. Agar aap apne Youtube channel se paise
kamana chahte hain toh aap youtube par thoda invest karenge toh aap ka
hi fayda hai.

Channel ke customization me short bio ka jarur dhyaan rakhe youtube
video subscriber banane ke liye short bio is a big factor. Bio apke
channel ko describe karta hai jisse visitor ko pata chalta hai ki
aapke video me kya information milegi.

#4. Video SEO

Blogger jaante hain ki blogging crowd me apne aapko alag dikhana kitna
tough hai. Search engine optimization (SEO) ka factor youtube
subscriber banane ke liye bhi bahut mayne rakhta hai. SEO kiye bina
ham apne video par views or subscriber nahi badha sakte hain.

Jab bhi video upload kare toh video ka name offbeat rakhe jisse viewer
dekhne ke liye encourage ho. Jis video ke title alag hatkar hote hain
unke viewers jyaada hote hain. Or jyaada views ke liye hame apne video
ki marketing SEO ke according karna hogi.

Yahan par me aapko video SEO karne ki some tips de raha hun jisse aap
apne youtube subscriber ko bahut jyaada badha sakte hain.

  • 1. Video ke title me keywords ka use jarur karna hai. Google search ka
    ye point hamesha dhyaan rakhe ki Google video ko crawl nahi karta hai
    woh use kiye gaye keywords ko crawl karta hai isliye hame video title
    me keywords use karna jaruri hai.
  • 2. Keywords search ke liye aap keyword planner tool use kar sakte ho,
    saath hi Google trends hame chal rahe trend ke baare me bhi batata hai
    jiska use karke ham trending keywords find kar sakte hain.
  • 3. Video aapka chahe kitna hi long ho lekin video ka title short hona
    chahiye. Ideal video title 50 characters se jyaada ka nahi hona
    chahiye. Title engaging bhi hona jaruri hai. Visitor hamare title se
    engage honge toh click jarur karenge or hamare youtube subscriber bhi
    badhte jayenge.

 

 

#5. Channel Trailor

Youtube apne user ke video ke Channel Trailor naam se service offer
karta hai. Iska use karne se visitor jab video par click karta hai toh
usko first apka channel trailor dikhayi deta hai.

Apka channel trailor aisa hona chahiye jo apke videos ke baare me
short description de sake. Good Channel trailor visitor ko encourage
karte hain ki woh subscribe kare. 40 se 60 second ka trailor banakar
ham easily viewer ko catch kar sakte hain.

#6. Use Tools

Youtube subscriber ko banane me best video ka big role hota hai or
best video ko banane ke liye or video ki marketing ke liye hame
Youtobe tools ki jarurat hoti hai.

Many tools hain jinse ham apne video ki marketing behtar tarike se
karke youtube subscriber bana sakte hain. Tubebuddy best tool hai jise
me sabhi youtube user ko use karne ke liye recommend karunga.

Kyonki Tubebuddy ki help se ham apne videos ke liye viewers find kar
sakte hain, automate share kar sakte hain or apni income ko badha
sakte hain.

Famebit, Youtube capture or Techcrunch bhi Youtube videos ke liye best
tool hain.

#7. Videos Limits

Bufferblog source ke anusar jo video 5 minute ki length me end ho
jaate hain woh videos viewer ko jyaada pasand aate hain or aisey
channel ke youtube subscriber bhi jyaada hote hain. Aap bhi is tips ko
use karke apne videos ki length ko 5 minute me cover karne ki koshish
kare.

Jab apke subscriber badh jaaye fir aap video ki length badha sakte ho,
experiment kar sakte ho. Me bhi ye manta hun ki informative video have
tough posibilities under 5 minute but not impossible. So try it.

 

 

#8. Use Social Media

Youtube videos ki link ham jitna promote karenge utna hi youtube
subscriber badhenge isliye ye jaruri hai ki ham video ko jyada se
jyada share kare. Socia media era me ham ye kaam bahut aasani se kar
sakte hain.

Facebook, Twitter, Google Plus video ko promote karne ke best social
plateform hain lekin aap Snapchat or Instagram ka use bhi jarur kare.
Social media plateform ko cover karne me hame kafi time dena padhega,
lekin aap time manage karke bhi ye kaam auto schedule app Buffer ke
jariye easily handle kar sakte hain.

#9. Optimize Description and Meta Tags

Ab ham SEO ki baat karte hain kyonki video ko popular banane me search
description or meta tags ka role hota hai or ye point ham sabhi
blogger achhi tarha jaante hain. Description hamare videos ke baare me
viewers or search engine ko batata hai ki hamare videos kis topic ko
lekar upload huey hain.

Jaisa ki maine apko bataya ki title me keywords jaruri hai waise hi
description me bhi keywords bahu jaruri hai ye videos ko search engine
me aane ke liye help karte hain.

#10. Paid Service

Last tips me apko yehi dena chahta hun ki agar aap apne video channel
se income karna chahte hain toh videos ko popular banane ke liye paid
ads ki help bhi ley sakte hain. Jaise Facebook Ads, Twitter Ads or
Fiverr jaisi site se aap apne liye youtube subscriber bana sakte ho.

 

 

Final words

Youtube subscriber banane ke liye jo method ya tips kisi ek ke liye
useful ho jaruri nahi ki woh apke liye bhi work kare isliye hamesha
experiment karte rahe. Or jo tips aapke liye kaargar ho jaaye usey
stick kar ley.

Aap video background or video angle ko lekar bhi experiment kar sakte
hain. Or jo bhi technique maine apko batayi hai unko bhi time to time
edit karte rahe.

Aap bhi apne thought mere saath comment ke jariye share kar sakte
hain. Apne youtubers friends ko jarur share kare or facebook par bhi
mujhe join karne ke liye like kar sakte hain.

qureshiinfotech

Hi friends welcome to my blog I am very pleased to help other people

so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress

etc. so you contact me any time on fb.com/qureshiinfotech and on twitter.com/qureshiinfotech


Leave a Reply

Your email address will not be published. Required fields are marked *