Free Or Self Hosted ! Blogging Platform Ke Liye Kya Better Hai

Jab ham first time blog banane ke baare me search karte hain toh hame
free or self hosted dono blogging platform ke baare me pata chalta
hai jisse newbies confuse hote hain ki blog start karne ke liye konsa
blogging platform achha rahega.

Free platform kya hai ? or self hosted blogging platform kya hai ?
Or dono me kya better hai ? New blogger ki is confusion ko door karne
me ye post bahut kaam ayegi. Ye post padhne ke baad aap definitely
decide kar lenge ki aap ke liye kya best hai.

 

Free Blogging
Platform

First ham free blogging platform ke baare me baat karenge. Free me
blog banane ke liye apko bus wordpress.com ya fir Blogger.com par sign
up karna hota hai. Or agar aap chahe toh domain purchase kar sakte
hain or agar nahi chahe toh us par bhi kharch karne ki jarurat nahi
hai.

Blogger.com par free blog kaise banate hain janne ke liye ye post padhe.

Lekin free blogging platforms use karne ke agar fayde hain toh nuksaan
bhi hai woh kya hai ye me apko aage batata hun.

 

 

Free Blogging
Platform Ke
Fayde

1. Free blog start karne ke liye starting me kisi tarha ka invest
karne ki jarurat nahi hai.

2. Blogger.com and WordPress.com dono site par free blog banakar
easily maintain kar sakte hain.

3. Kisi bhi tarha ke coding knowledge ki jarurat nahi hai.

Free Blogging
Platform Ke
Nuksaan

1. Free blog par agar ham domain purchase nahi karte hain toh hamare
blog address me blogspot.com ya fir wordpress.com extension add hota
hai. Jaise ki jab maine domain purchase nahi kiya thaa tab mera blog
address qureshiinfotech.blogspot.com thaa.

Fir jab maine domain purchase kar liya toh mere blog address me se
blogspot.com hat gaya.

2. Free blog par hamara full control nahi hota hai. Jaise ki agar
hamara blog self hosted wordpress.com par hai toh ham jo chahe plugin
install kar sakte hain, theme change kar sakte hain. Lekin free
wordpress.com par limitation hoti hai ham apne liye theme bhi change
nahi kar sakte hain.

3. Free blog se hame professional blog jaise feel nahi milta hai.

4. Free blog ka sabse bada cons ye hai ki hame free blog se paise
kamane ke liye jyaada mehnat karni padhti hai.

 

 

Free Blog
Kise Use
Karna Chahiye

Free blog un logo ke liye best option hai jo blogging ko future me
profession nahi banana chahte hain, only blogging ko enjoy karna
chahte hain. Paise nahi kamana chahte hain aisey blogger free blogging
platform use kar sakte hain.

Self Hosted
Blogging Platform

Self hosted blog third party hosting use karke banaye jaate hain jaise
Hostgator or Bluehost popular hosting services hain. Jis par wordpress
ko install karke self hosted blog banate hain. Ye hosting services
hamare blog ke liye rent par digital space provide karti hain jise
hosting kaha jaata hai.

Self Hosted
Blog Ke Fayde

1. Self hosted blog par hamara full control hota hai. Ham jaise chahe
apne blog ko customize kar sakte hain, layout change kar sakte hain.

2. Easily blog ko search engine optimized kar sakte hain, jisse hame
jyaada traffic milta hai.

3. Custom theme install karke apne blog ko ek brand ka look de sakte hain.

4. Self hosted blogging platform ka kharch bhi only 300 se 500 rs
mahine tak hota hai. Lekin blog se hone wali hamari income kai guna
jyaada hoti hai.

Self Hosted
Blog Ke Nuksaan

1. New blogger ke liye self hosted blog ko maintain karna hard hota hai.

2. Hosted blogging platform ke liye invest karna padhta hai.

 

 

Self Hosted
Blog Kise Use
Karna Chahiye

Self Hosted blog ka look or performance professional hota hai isliye
agar aap blogging ko profession banana chahte hain toh self hosted
blogging platform ka use kare.

Woh blogger jo apne blog ko income machine banana chahte hain unke
liye bhi self hosted bloggin platform best decision hota hai.

Final words

Maine bhi apne blogging career ki shuruwat free blogging platform
blogspot.com par ki thii. Lekin baad me maine isko professionaly
handle karte huey hostagator se hosting purchase karke apna blog
wordpress par transfer kar diya.

Agar aap apne blogging passion ko profession banana chahte hain or koi
problem face kar rahe toh mujhe jarur bataye. Apki help karne me mujhe
khusi hogi.

qureshiinfotech

Hi friends welcome to my blog I am very pleased to help other people

so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress

etc. so you contact me any time on fb.com/qureshiinfotech and on twitter.com/qureshiinfotech


Leave a Reply

Your email address will not be published. Required fields are marked *