Blog Ko WordPress Par Transfer Kaise Kare

Friends ab waqt aa gaya hai ki ham apne blogger blog ko wordpress par
transfer kare. Kyonki abhi tak ham shouq ke liye blogging kar rahe
they lekin kyon na ab is hobby ko profession banaya jaaye.

Blogger.com par blog ki shuruwat karna kafi achha hota hai kyonki ye
free plateform hai jis par ham domain ke liye saal bhar me ek baar
kharcha karke blog manage kar sakte hain.

Apne man ke vichar post ke jariye publish kar sakte hain, blogging ko
achhi tarha seekh sakte hain, lekin jab baat blog ko professional
banane ki aati hai toh wordpress best platform ke roop me apke saamne
moujud hai.

 

 

WordPress ke feature or plugin hame jaise chahe apne blog ko customize
karne me help karte hain mera suggestion yehi hai ki agar aap blog se
income karna chahte ho blog ko wordpress par transfer jarur kariye.

Mere blog ke regular reader or friend sochworld ke yogendra singh ji
ne bhi mujhse yahi sawal kiya ki blogger blog ko wordpress par
transfer kaise karte hain jiske solution ke liye me ye post likh raha
hun.

 

Blogger Blog Ko
Wordpress Par
Kaise Transfer Kare

Blog ko wordpress par move karne se pehle kuchh point hai jo main
aapse clear karna chahta hun. Agar aap bhi apne blog ko wordpress par
transfer karna chahte hain toh move karne se pehle apko kya kya chahiye
uske baare me jaan lena bahut jaruri hai jisse apko baad me koi
problem na ho.

#1. Kyonki abhi tak aap blogger par hain or ab wordpress par move
karna chahte hain isliye pehle wordpress ka basic knowledge hona
jaruri hai taaki jab aapka blog wordpress par transfer ho jaaye toh
apko manage karne me koi pareshani na ho.

Waise agar aapko wordpress ka basic knowledge na bhi ho to apko
pareshan hone ki jarurat nahi hai aap kisi bhi problem ke liye mujhe
contact kar sakte hain.

#2. Blog ko wordpress par transfer karne ke liye hosting bahut
important part hai. Bina hosting ke bhi ham wordpress use kar sakte
hain. Lekin isme bahut limitation hoti hai. Bina hosting ke aap
wordpress blog ko apne hisab se customize nahi kar sakte hain. Ham
blog ko wordpress par transfer hi isliye kar rahe hain ki ham blog ko
professional look de sake. Hosting ke liye hostgator bahut hi badhiya
site hai. Me khud bhi hostgator webhosting use karta hun.

 

 

#3. Hosting lene ke baad hame wordpress ko hosting par install karna
hai. Agar aap hostgator se hosting lete hain toh uski site par jaakar
wordpress ko install kar sakte hain. Hosting ko wordpress par install karne ke liye ye
post padhe

Ye sab jaan lene ke baad
ab ham blog ko wordpress par move kar sakte hain. Main apko step by
step samjhane ki koshish karta hun agar fir bhi apko koi problem ho
toh mujhe contact karke problem dur kar sakte hain.

Step #1.
Blog ko wordpress par transfer karne se pehle apko apne blog ka backup
banana hoga. Woh isliye ki agar move karne me koi problem aye toh ham
apna blog fir se recover kar sakte hain.

Backup lene ke liye blogger.com par jaakar login kare. Dashboard par
jaane ke baad Setting par click karke other select kare.
Dashboard > Setting > Other
Ab apko backup content par click karna hai. Window open hone ke baad
save to your computer par click karke blog ko download kare.

 

Blog ke size ke hisab se 5 se 7 minute me xml file download ho jayegi.
Blog ko wordpress par transfer karne ke liye ye step bahut jaruri hai.

Step #2.
Ab hame wordpress par jaakar blog ko import karna hai. Iske liye
wordpress par login kare. WordPress dashboard open hone ke baad Tools
option me Import par click kare.
Dashboard > Tools > Import

Yahan par apko many plateform ki list dikhayi degi kyonki hame blogger
se blog ko wordpress par transfer karna hai isliye ham Blogger select
karenge.

 

Select karne ke baad new window open hogi jisme hame Install Now par
click karna hai. Click karne ke baad blogger importer plugin download
hoga. Jab plugin download ho jaaye toh activate plugin run importer
par click kare.

 

Step #3.
Plugin activate hone ke baad hame choose file par click karke woh xml
file select karna hai jo hamne step 1 me download ki thi. Xml file
select karne ke baad upload file and import par click kare.

 

Ab hamare blogger blog ki sabhi post import hone lagegi. Apki post
jitni jyaada hogi import hone me utna hi time lagega. Post import hone
ke baad hame author name set karna hai. Agar aap blog ko wordress par
transfer hone ke baad naye naam se blogging karna chahte hain toh new
name enter kare. Or agar pehle wale name se hi blogging karna hai toh
wohi name rehne dey.

Lijiye ab apka blog wordpress par transfer ho chuka hai. Yahan par
main apko ek important baat batana chahta hun ki blog wordpress par
transfer hone ke baad apni sabhi post ki image ko check kare. Kyonki
kabhi kabhi post import hone me kuchh images import nahi ho paati hai
isliye aap achhe se check kar ley.

 

 

Blog Ko WordPress
Par Transfer Karne
Ke Baad Kya Kare

Step #4.
Hamara blog wordpress par transfer ho chuka hai. Lekin ab sabse
important step hame complete karna hai. Ab hame visitor ko batana hai
ki hamne blog ko wordpress par transfer kar diya hai. Iske liye hame
blog ka redirection karna hai.

Ek baar fir se apne blogger blog par login karke dashboard par jaaye.
Fir Template par click karke koi sa bhi classic template select karke
save kar ley.
Dashboard > Template > Classic

Template select karne ke baad edit template par click kare. Yahan par
jitni bhi html coding hai usko puri delete karke yeh code paste kare

<pre><html>
<head>
<title><$BlogPageTitle$></title>

<script>
<MainOrArchivePage>
window.location.href=”http://www.qureshiinfotech.com/”
</MainOrArchivePage>
<Blogger>
<ItemPage>
window.location.href=”http://www.qureshiinfotech.com/?blogger=<$BlogItemPermalinkURL$>”
</ItemPage>
</Blogger>
</script>

<MainPage>
<link rel=”canonical” href=”http://www.qureshiinfotech.com/” />
</MainPage>

<Blogger>
<ItemPage>
<link rel=”canonical” href=”http://www.qureshiinfotech.com/?blogger=<$BlogItemPermalinkURL$>” />
</ItemPage>
</Blogger>
</head>

<body>
<MainOrArchivePage>

<h1><a href=”http://www.qureshiinfotech.com/”><$BlogTitle$></a></h1>

</MainOrArchivePage>
<Blogger>
<ItemPage>

<h1><a href=”http://www.qureshiinfotech.com/?blogger=<$BlogItemPermalinkURL$>”><$BlogItemTitle$></a></h1>

<$BlogItemBody$>
</ItemPage>
</Blogger>
</body>
</html>

Code paste karne ke baad www.qureshinfotech.com ki jagah par apna blog
name replace karke fir template ko save kar dey.

Redirection ka ek or tarika bhi hai ki classic template save karne ke
baad <head> ke neeche ye code paste karke apna blog name replace karke
template save kar dey.

<meta content='0;url=http://www.qureshiinfotech.com' http-equiv='refresh'/>

Ab hamne blogger blog ko wordpress par transfer bhi kar diya hai or
redirection bhi kar diya hai jisse Blogger blog par aane wale visitor
direct apke wordpress blog par transfer ho jayenge.

Blog ko wordpress par transfer karne me agar koi problem aa rahi ho
toh jarur bataye mujhe apki help karne me khushi hogi.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Comments

  1. Reply

  2. By neelesh

    Reply

    • Reply

Leave a Reply

Your email address will not be published. Required fields are marked *