WordPress Blog Par Google Analytics Kaise Install Kare

How Can Install
Google Analytics
In WordPress Blog

Blogger ko apne blog par aane wale visitor or readers ke baare me
jaanna blog ke success ke liye bahut jaruri hai. Apni audience ke
baare me jaanne ke liye google analytics free tool hai jo hamare blog
ki detail statistic pradan karta hai. Or ye ek free tool hai.
Is post me ham yehi charcha karenge ki google analytics se blog ko
link karna kyon jaruri hai or wordpress blog par google analytics
kaise install karte hain.

 

wordpress par google analytics

 

WordPress Blog Par Google Analytics
Link Karne Se Kya
Fayde Hain

1. Apki Site Par Kis Ne Visit Kiya
Google Analytics ka best part hai ki ye apke blog par aane wali
audience ki detail stats provide karta hai. Visitor kis country se
hai, kon sa browser or device use karke blog par aaya, kitne time tak
site par raha, blog par kis link se aaya ye sab detail google
analytics free provide karta hai.

Ye sabhi information hamare liye bahut jaruri hoti hai kyonki is
anlytics se ham apne blog ko user friendly bana sakte hain. Jaise ki
agar wordpress blog par google analytics bata raha hai ki apke blog par aane wale maximum
visitor mobile device se aa rahe hain toh ham apne blog ko mobile user
friendly bana sakte hain jisse hamare blog ka traffic or badh jayega.

2. Bounce Rate
Site par aane ke baad visitor ne kitne page visit kiye ye bhi google
analytics bounce rate ke jariye hame batata hai. Visitor blog par aane
ke baad jitne jyaada page visit karta hai bounce rate utna kam hota
jaata hai. Agar hamare blog ka bounce rate jyaada hai toh iska matlab
ye hai ki visitor ko blog content interesting nahi laga or woh blog se
out ho gaya. Isliye agar blog ka bounce rate kam hai toh samjh jaye ki
visitor ko apki post pasand aa rahi hai.

 

 

3. Happy Hours
Ek blogger ke liye ye jaanna behad jaruri hai ki blog par kis time
jyaada traffic aa raha hai or kis time kam aa raha hai. Apni post ka
publish time us time schedule kijiye jab blog par jyaada traffic aa
raha hai kyonki issey jyaada user post ko padhenge or pasand aane par
share bhi karenge.

4. Visit Link Record
wordpress blog par Google analytics ke ye kaam mujhe bahut pasand hai kyonki issey mujhe
pata chal jaata hai ki visitor kis link (direct click, search engine,
other site) se aaya hai. Or ye baat hame pata bhi hona chahiye ki hame
kis category se kitna traffic mil raha hai.

Google Analytics Ko
Wordpsess Blog
Se Kaise Link Kare

Ab aap padh chuke hain ki Google analytics apke liye kitne kaam ka
tool hai isliye ab me apko ye batata hun ki Analytics ko sign up karke
wordpress blog se link kaise karte hain.

Step 1.
Sabse pehle hame Google analytics par sign up karna hai. Is page par
visit kare

analytics

 

Step 2.
Ye toh ham jaante hi hain ki google analytics Google ki free service
hai isliye is par sign up karne ke liye ham apne gmail account ko use
kar sakte hain.

ana2

 

Step 3.
Account banane ke baad next page par aapko website or mobile app kis
chij ke liye apko analytics account banana hai woh select karna hai.
Yahan par website select kare.

google analytics

 

Step 4.
Is page par apko account name, website name, website url, industry
or time zone set karna hai.

Step 5.
Last me Tracking ID par click kare. Click karne ke baad aapko tracking
code milega jisko copy karke notepad par save kar ley.

Step 6.
Code copy karne ke baad is page ko open rehne dey kyonki hame code ko
wordpress par install karne ke baad wapas is page par aana hai.

Ab hame tracking code prapt ho gaya hai ab hamey isko wordpress par
install karna hai.

 

Google Analytics
Ko WordPress Par
Kaise Install Kare

WordPress blog par google analytics ko 3 tariko se install kar sakte hain.
1. Tracking Code ko Direct paste karke
2. Plugin ke dwara
3. Function.php

Main apko ek ek karke teeno method ke baare me batata hun

1. Tracking code ko direct paste karke
Code ko direct paste karne ke liye save kiye gaye code ko copy kare or
apni theme ke header.php me <body> search kare or uske thik niche
paste karke save kar dey.

2. Plugin Ke Dwara
Wordpress ki plugin directory me bahut saare plugin hai jinse google
analytics ke tracking code ko install kiya jaa sakta hai. Aap ye
plugin istemaal kare. Plugin setting page me jaakar tracking code ko paste kare.

3. Function.php
Is method ko me recommend nahi karunga kyonki iske liye bahut care ki
jarurat hoti hai jara si bhi code me chuk ho gayi toh apka blog blank
screen me badal jayega. Leking fir bhi agar aap chahe toh is method ko
apne risk par kar sakte hain.

Is method ko follow karne ke liye niche diye gaye code ko function.php
file open karke paste kare

<?php
add_action(‘wp_footer’,’add_googleanalytics’);
functionadd_googleanlytics(){?>
//Paste your analytics code here
<?php}?>

(paste your analytics code here ki jagah par tracking code paste kare)

Upar di gayi 3 method me se koi bhi ek method complete karne ke baad
step 6 par wapas jaakar save par click kare.

Google analytics wordpress par install ho chuka hai. Next day se aap
google anlytics ki site par jaakar tracking record dekh sakte hain.

Google analytics every blog ke liye jaruri hai isliye aaj hi apne
wordpress blog ko google analytics se link kare or koi difficulty aane
par jarur bataye mujhe apki help karne me bahut khusi hogi.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Leave a Reply

Your email address will not be published. Required fields are marked *