10 Minute Me Hostgator Webhosting Kaise Purchase Kare

How Can Purchase
Hostgator Webhosting
In India

Friends aaj me aapse webhosting ke baare me baat karunga. Jab maine
blog banane ke baare me socha tab me blogging ke baare me kuchh nahi
jaanta tha. Maine other blogger ko follow karke blogging ko samjhna
shuru kiya or blogger.com par apna first blog banaya jis par aap abhi
post padh rahe hain.

Blogger.com par blog banane ka fayda ye hai ki agar aap free blogging
karna chahte hain to ye best plateform hai. Lekin me ek pro blogger
banna chahta hun isliye maine blogging par kin kin chejo par invest
karna chahiye ke baare me jaana or maine apne blog ke liye domain
purchase kiya.

 

 

Fir maine very popular professional blogger Harsh Agarwal ji ki advice
par apna blog blogger.com se wordpress par transfer kiya yahan par
mera parichay ‘web hosting’ se hua. Or fir maine notice kiya ki pro
blogger banne ke liye wordpress best plateform hai.

Or is stage par aakar mujhe pata chala ki blogging ke liye domain ke
web hosting ki bhi jarurat hoti hai or blogger ko in dono cheejo par
invest jarur karna chahiye. Isliye aaj is article me ham webhosting ke
baare me baat karenge. Kyonki maine Hostgator.in se webhosting
purchase ki hai isliye aaj me apko Hostgator se webhosting kaise
purchase karte hain iske baare me bataunga.

 

Webhosting Kya hai?

Webhosting purchase karne ke pehle ham ye jaan ley ki webhosting kya
hoti hai or ek blogger ko iski jarurat kyon hoti hai.

Main apko aasan word me samjhane ki koshish karta hun jisse ki aap
webhosting ko bahut jaldi samajh jayenge. Ham sabhi log mobile use
karte hain or jab bhi mobile me hame koi data save karna hota hai toh
ham mobile ki internal memory ya fir memory card me save karte hain.
Is tarha se jab ham wordpress par blog banate hain toh us blog ko or
blog par publish hone wali post ko save karne ke liye hame webhosting
ki jarurat hoti hai. Yani ki ham apne blog ko online store karne ke
liye webhosting use karte hain.

Yahan par me apko batata chalu ki aap chahe toh bahut si free
webhosting site bhi hoti hain jinse aap apne blog ke liye free
webhosting prapt kar sakte hain lekin agar aap blog se income karna
chahte hain or  professional blogger banne ki chahat rakhte hain to
fir apne blog ke liye domain or webhosting jarur purchase kijiye.
Professional blogger banne ke liye ye first step hai.

 

Hostgator Webhosting Best Kyon Hai?

Waise toh online bahut si site hain jo webhosting service uplabdh
karti hai lekin yahan par me apna personal experience share kar raha
hun kyonki me khud Hostgator webhosting use karta hun.

Hostgator se webhosting purchase karne ke liye me apko recommend kar
raha hun kyonki iski bahut saari wajah hai jinme se kuchh me yahan par
apko bata raha hun.

Pehla reason to yeh ki Hostgator ki india ke liye alag se hostgator.in
site available hai jis par aap indian rupees me payment karke aasani
se net banking ke jariye webhosting purchase kar sakte hain.

Dusra or most recommended reason hai Hostgator ka 24×7 customer care
portal jo apki koi problem solve karne ke liye contact support ke
saath live chat bhi available karta hai or me two times iski live chat
se apni problem ko solve kar chuka hun.

Third reason ye hai ki aap apne budget ke anusar 1 mahine se lekar 2
saal tak ke liye webhosting purchase kar sakte hain.

Hostgator Se Webhosting Kaise Purchase Kare

Toh ab ham apne main point par aate hain ki Hostgator ki India site se
Webhosting kaise purchase karte hain to iske liye me apko step by step
batane ki koshish karta hun.

Hosting purchase karne ke liye apko domain name ki jarurat padhegi
isliye pehle domain name purchase kare.agar meri salah mane toh domain
name godaddy ya bigrock se purchase karle.

Step 1.
Hostgator.in ki site par jaaye.

Zc

Step 2.
Get started par click kare.

Step 3.
Yahan par apko apne budget ke anusar plan select karna hain. Plan
select karne ke liye me apko suggestion dunga ki agar aap blogging
sikhna start kar rahe hain to Hostgator ka hatching plan apke liye
best rahega kyonki ye plan 250 rs per month se aap start kar sakte
hain. Plan select karne ke liye Buy Now par click kare.

Or agar aap jyaada invest kar rahe hain toh baby plan best rahega
kyonki isme apko unlimited domain mil jayenge.

Step 4.
Agar aapke pass pehle se hi domain hai to next page par “I have an
existing name” wale box me apna domain name enter kare. Dhyaan rakhe
ki baad me aap name change nahi kar sakte.
Domain name enter karne ke baad continue par click kare.

 

Step 5.
Yahan par apko sitelock or Codeguard bhi price me dikhayi denge.
agar ye dono safety feature bhi purchase karna chahte hain to continue
par click kare, or agar ye purchase nahi karna chahte hain to delete icon par
click karke delete kar dey.

yahan par apko enter coupon code ka box bhi dikhayi dega agar apke paas hostgator
ka discount coupon code ho toh enter kare. apko discount mil jayega.

Step 6.
iske baad fir continue par click kare.

Step 7.
Agar apka Hostgator par pehle se account hai ID or Password daalkar login kare.
or agar account nahi hai toh create account par click karke apni detail bharkar
account banaye.
Step 8.
Account create hone ke baad aap payment options par aa jayenge jahan par
payment options dikhayi denge apne sahuliyat ke hisab se jo payment option aap
select karna chahte hain select kare.

 

Payment process complete hone ke baad hosting apke domain name ke saath register ho jayegi.

Toh dekha apne ki sirf 10 minute me aap hostgator se webhosting purchase kar sakte hain.
Webhosting se rlated koi query ho toh mujhe jarur bataye mujhe apki help karne me bahut khusi
hogi.

 

 

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Leave a Reply

Your email address will not be published. Required fields are marked *