6 Best On Page SEO Tips and Techniques

New blogger jo abhi abhi naya blog start kiya hai woh on page SEO
optimisation tips ke baare me nahi jaante hain ki ye on page SEO blog
ke liye kyon jaruri hai.

 

On Page SEO Kya Hota Hai?
Ye Blog Ke Liye
Kyon Jaruri Hai?

SEO ka means search engine optimisation hota hai yaani ki apne blog ya
site ko search engine ke liye optimised karna SEO kehlata hai.
Only blog banakar post publish kar dene se blog success nahi hota hai
kyonki jab tak organic ya quality traffic blog par nahi aata hai blog
traffic nahi badhta hai. Search engine se aane wala traffic blog ke
liye organic traffic hota hai.

Blog ko kaamyab banane or blog se paise kamane ke liye ye bahut jaruri
hai ki Google, Bing, Yahoo jaise search engine se blog par traffic
aaye.
In search engine se blog par traffic laane ka kaam SEO karta hai.

SEO Kitne Type Ka Hota Hai?

SEO 2 type ka hota hai.
1. ON PAGE OPTIMISATION
Blog par post likhne ke baad publish karne se pehle search engine ke
liye optimised karna On Page SEO hota hai. Jisme post title, keyword
search or meta description jaise factor shaamil hain.

2. OFF PAGE OPTIMISATION
Blog post publish hone ke baad post ko popular karne ke liye optimised
karna Off Page optimised hota hai.

Is post me ham On Page SEO ke baare me baat karenge Off Page
optimisation ke liye aap ye post padhe.

Blog Post Ko
On Page SEO
Kaise Kare

Ab aap ye samajh hi gaye honge ki blog ko popular hone ke liye post ka
search engine me aana jaruri hai. Ab main apko ye bataunga ki post ko
search engine ke first page me laane ke liye on page search engine
optimisation tips share karunga jise follow karke apke blog ki search
engine ranking badh jayegi jisse apka blog google search me first page
me show hone lagega.

 

also read Blog post ko off page optimised kaise kare
Blog post ko Google search ke first page me kaise laaye

 

ON Page SEO Tips And Techniques

1. Post Title

Blog post ka sabse main parts hota hai Post Title. Kyonki search
engine pehle post title ko crawl karta hai jisse search engine ko pata
chalta hai ki apki post kis topic se related hai or visitor bhi sabse
pehle post title ko padhta hai.

Isliye search engine or blog traffic dono ke liye post title bahut
important factor hai. Isliye post title me main keywords jarur use
karna chahiye or jahan tak ho sake post title ke first word se hi
keyword use kare. Iska ye matlab nahi hai ki aap post title me keyword
hi keyword daal dain. Ye dhyaan rakhe ki Post title me keyword ko
repeat na kare or keyword length 65 characters se jyaada naa rakhe.
Ab me apko example ke saath batata hun…….

Maan lijiye ki aap new blogger ko blogging tips dene ke liye post
likhna chahte ho tab iska tilte kya rakhenge jo search engine
optimised ho tab ham iska title “Blogging tips” rakh sakte hain.

But ye title sahi nahi hai kyonki isme reader ko title padhne ke baad
full information nahi milti ki tips new blogger ke liye hai or SEO ki
tips hai ya koi or tips isliye ye title sahi nahi hai. Isliye ham is
title ko kuch is tarha se likh sakte hain “Best On Page SEO Tips For
New Blogger”.

Search engine ke liye long tail keywords kafi achhe hote hai kyonki
issey search engine apki post ke title se samajh sakta hai or post ko
crawl kar sakta hai. Isliye jab aap post title me long tail keywor use
karenge to apki post ke first page me show hone ke chance badhenge.
Aap meri is post ka title bhi reffrence ke liye dekh sakte hai jo 38
characters ka hai.
also read Blog ke liye new post kaise likhe
Post ko publish karne ke baad promote kaise kare

 

2. Post Url

Post ke title ke baad hame post ki Url ka on page SEO karna hai kyonki
post ke title ki tarha Url structure ka bhi search engine friendly
hona jaruri hai. Post ka tilte aap 65 characters tak rakh sakte hain
lekin Url structure me ye galti na kare.

Post ka Url jitna small hoga utna on page SEO ke liye best hoga
kyonki search engine small url ko like karte hain. Jo bhi focus
keyword hain unhe post ki Url me shamil kare. Jaise aap meri is post
ka url dekh rahe hain jisme post se related keywords bhi hain or Url
small bhi hai. : http://qureshiinfotech.com/2016/11/on-page-seo-tips-techniques/

3. Number Of Keywords

Aap ne post likhte huey kabhi dekha hai ki aap  post me focus ya
target keyword kitni baar use karte hain. Ji han On page SEO ke liye
ek bada factor hai.
Post me keywords hi hote hain jo search engine ko post crawl karne me
help karte hain.

Lekin iska ye matlab nahi hai ki ham post me keyword hi keyword bhar
dey. Keywords ko use karne ki bhi limit hoti hai. Ye apke upar depend
hai ki aap post kitne word ki likhte hain lekin is baat ka specially
dhyaan rakhe ki post me keyword ka use post ke total word ka 2-2.5% se
jyaada na ho.

For example agar aapki post 700 word ki hai to 10 se 14 baar keyword
use kare. Targeted Keywords ko post ke first or last paragraph me
jarur use kare.

4. Meta Description And Tags

Apni post meta description jarur add kare. Jab apki post search engine
me show hoti hai tab Post Title or Blog Title ke neeche jo post se
related summary show hoti hai woh meta description hota hai. Search
karne wale visitor ko meta description se pata chalta hai ki usko apki
post me kya padhne ko milega isliye apni post me 160 characters tak
meta description jarur add kare.

Meta description ki tarha Meta tags bhi on page SEO ke liye jaruri
factor hai ye post ko categories karne me help karte hain. Meta Tag se
reader ko pata chalta hai ki usey is post kya padhne ko milega jaise
ki apne post ko “Technology” tag me rakha to search engine ko apki
post crawl karne me help milegi or visitor bhi tag padhkar samajh
jaayga ki usko  “technology” se related post milegi.
Aap ek post me ek se jyaada tag use kar sakte hain.

5. Image

On page SEO me post me use hone wali image ka bada role hota hain
lekin blogger image ko on page SEO nahi karte hain jo bahut badi galti
hoti hai. Apni post me image jarur use kare kyonki ye search engine
post ke saath image ko bhi crawl karte hain jisse post ke search
engine me aane ke chance badhte hain.

Lekin jo bhi image aap use kare uska search engine optimised hona
jaruri hai. Image ka SEO karne ke liye image ke title me apne focus
keyword enter kare. Ye keyword image search me apki post image ko
crawl karne me help karenge. Or han chahe toh image ka description bhi
add kar sakte hain.

 

also read Blog post ke liye Image kaise banaye
Google Adwords se keywords kaise find kare

 

6. Internal Link

Agar aap ye sochte hain ki only other site se aane wala link hi blog ke liye
important hota hai toh aap galti kar rahe hain. blog post ke internal link bhi
blog ke on page SEO ke liye bahut important hain. blog post ko apne blog ki
other post se link karne se blog ke pageviews bhi badhte hain or ye search ranking
ke liye bhi ye bahut achhi technique hai. Internal linking ke liye aap content
linking or Popular Post jaise widget bhi use kar sakte hain.

Ye 6 best on page SEO tips and techniques apke blog ka traffic bhi badhane me
help karengi or serch engine apke blog ko easily crawl bhi kar payenge.

Comment karke jarur bataye ki apko ye post kaisi lagi ummid karta hun ki ye post
apko on page SEO karne me help karegi.

Qureshiinfotech ki latest post ke liye subscribe jarur kare.
Aap hame Facebook par bhi join kar sakte hain.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Comments

  1. Reply

Leave a Reply

Your email address will not be published. Required fields are marked *