Memory power badhane ke best tarike

Yaddasht badhane ke 6 aasan tarike

Zindagi me kisi bhi kaam me safalta haasil karne ke liye mind ki brain
memory power tez hona chahiye yani kisi chiz ko yaad rakhne ki ability
ka hona bahut jaruri hai. Ek buissness ko handle karne se lekar kisi
bhi field me career banane ke liye achhi yaddasht ka hona jaruri hai
agar hamari memory kamjor hogi toh hame kai tarha ki pareshani ka
saamna karna padhega. Jaise ki agar kisi student ki memory tez nahi
hogi to woh exam time me kuchh yaad nahi rakh payega.

Also read
Communication skill improve karne ki aasan tips
Blogging karne ke kya fayde hain

Memory ka kamjor hona koi bimari nahi hai. Jab hamare andar
concentration yani ki kisi chiz par hamara dhyaan kam ho jaata hai tab
hamari yaaddasht kamjor ho jaati hai.

Isliye ye jaruri hai ki ham apne mind yani ki dimag ko active rakhe.
Aapne apne school ya college ke time me aksar subject ko yaad rakhne
ke liye usko baar baar padha hoga jisko ratna bhi kaha jaata hai. Kisi
chij ko baar baar padhne ya likhne se hamara mind us par concentrate
ho jaata hai or woh chij ham der tak yaad rakh paate hai.

Lekin bahut se logon ka manna hai ki umar badhne ke saath saath memory
power kam hoti jaati hai jabki ye baat bilkul galat hai. Yaddasht kisi
bhi age me badha sakte hain bas hame brain ko tez karne ki sahi
technique ki jarurat hoti hai.

Blogging karne wale user or student ke liye bhi ye jaruri hai ki unki
memory power achhi ho kyonki blogger ko bhi blogging karne me bahut
kuchh yaad rakhna padhta hai jisse ki new post likhte time old post ko
link karna jiske liye hame apni older post bhi yaad hona chahiye.

Also read
English sikhne ke liye best online sites
English me baat karne ki practice kaise kare

Isliye aaj ham is baat par charcha karenge ki aasan step ko follow
karke memory power kaise badhaye.

Yaddasht (memory) tez karne ke aasan tarike

Tips 1. Daily food

Memory power badhane ke liye brain ka healthy hona jaruri hai or ye is
par depend karta hai ki  ham kya khate hain yaani ki hamara daily food
jo ham breakfast se lekar dinner tak me khate hain. Ek kahawat bhi
apne suni hogi ki “jaisa khaoge ann waisa hoga man.”

Hamare daily ke khane me fresh vegetable or fresh fruits ka hona bahut
jaruri hai. Is ke saath celery, cualiflower, brocoli jaise food item
me antioxident hote hain jo hamare brain ki health ke liye jaruri
element hain.
Coconut oil ka use karke bhi ham apne brain ko healthy bana sakte hain.

Tips 2. Exercise

Daily Exercise karne se hamare brain me  ‘Neaurotrophic’ protein
release hota hain jo hamare brain ko healthy banata hai. Exercise
karne se hamare blood ka flow bhi tez ho jaata hai jisse brain active
hota hai jisse memory power improve hoti hai.

Tips 3. Sleep

Good eating or exercise ke alawa ek or cheez hai jo hamare memory
power ke liye jaruri hai or woh hai neend yani sleep.
Brain ke saath saath hamari puri body ke liye ek achhi neend lena yani
kam se kam 6 ghante daily night me sona jaruri hai. Ek achhi neend se
uthne ke baad hamara brain jyaada active ho jaata hai jisse hamari
yaadasht tez hoti hai. Iske opposite agar ham der se sote hain ya
dimag ko aaram nahi dete hain to umar badhne ke saath saath ham chizo
ko bhulne lagte hain. Time se sone or jaagne ka ek schedule banaye or
usko follow kare. Sone se pehle agar aap coffee ya tea lete hain to ye
bilkul galat habit hai. Kyonki raat ko sote waqt tea ya coffee peene
se neend nahi aati hai isliye is habit ko avoid kare.

Also read
kisi bhi account ka username/password kaise recover kare
Facebook se paise kaise kamaye

Tips 4. Activeness

Memory power badhane ke liye ye sabse important things hai ki ham apne
brain ko active rakhe. Ham apne brain yani ki apne mind ko jitna
jyaada use karenge ye utna hi active hoga.

Jis tarha ham body ko fit rakhne ke liye exercise karte hain us tarha
dimag ko fit rakhne ke liye dimag ko exercise ki jarurat hoti hai.
Brain ki exercise karne ke liye hamare pass bahut saare option hai
jaise Game, Puzzle and creative activities etc.
Research se ye baat prove ho chuki hai ki Puzzle solve karne ya wo
game jisme dimag par jor daalna padhta hai jaise ki chess or soduko
jaise game se hamare brain ki exercise hoti hai jisse entertainment ke
saath memory power bhi improve hoti hai.

Tips 5. Meet your friends

Doston ke beech me kise achha nahi lagta aapko bhi apne doston ka
saath achha lagta hoga lekin kya aap jaante hain ki friends ya
relative se  milna memory power ke liye bahut jaruri hai.
Aapne bhi notice kiya hoga ki jab aap bor ho jaate hain toh kisi
picnic ya tour ka programme banate hain jisse hame achha mehsus hota
hai. Sochiye aisa kyon hota hai ?
Kyonki aisa karne se hamara mind fresh ho jaata hai jo brain power ke
liye jaruri hai. Isy tarha gaane sunne se bhi hamara brain active
rehta hai jab bhi time mile apni pasand ke song ko play kare or mind
ko relax hone dey.

Tips 6. Revise your day

Or last me sabse best tips jo bahut hi easy hai or maine khud isey try kiya hai.
Jab bhi aap bed par sone ke liye jaaye tab sone se pehle aaj aapne din
bhar yani ki subah uthne se lekar raat tak jo bhi activity ki hai unhe
imagine karke revise kare.
Jaise ki apne subah uthkar brush kiya fir breakfast kiya or uske baad
daily routine ko imagine karke revise kare. Daily aisa karne se memory
bahut jaldi improve hoti hai.
Aap bhi try karke dekhe.

Quick tips to improve memory power

  • 1. Apne khane me fresh vegetable or fresh fruits jarur shamil kare.
  • 2. Daily kam se kam 6 se 7 ghante ki neend mind ke liye jaruri hai.
  • 3. Brain ko active rakhne ke mind exercise jarur kare iske liye Puzzle
    game solve kare jaise soduko ya fir chess game bhi khel sakte hain.
  • 4. Apne doston ke saath time bitaye or time to time outdoor ke
    programme organize kare.
  • 5. Apni pasand ke song play kare.
  • 6. Akele naa rahe kyonki akele rehne se stress badhta hai or mind me
    negative vichar aate hain.
  • 7. Apne din bhar ke kaam ko raat ko sote waqt imagine karke revise kare.

Ummid karta hun ki apko ye post jarur pasand ayegi mujhe comment karke
jarur bataye.

Mere blog ki latest update ke liye subscribe jarur kare.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech
Tags:

Leave a Reply

Your email address will not be published. Required fields are marked *